Një DJ ka mbetur i turpëruar pasi një “Justin Bieber” i rremë iu bashkua në skenë gjatë një performance në një klub nate në Las Vegas.
DJ-i dhe producenti i njohur Gryffin po performonte në klubin XS, kur iu tha se Justin Bieber ndodhej në ndërtesë dhe donte të ngjitej në skenë për të performuar me të.
Personi që pretendonte se ishte Bieber doli në skenë i veshur me një xhaketë bomber, me kapuçin mbi kokë, syze të mëdha dielli, dhe pantallona të gjera, nga të cilat i dukej pjesa e sipërme e të brendshmeve — një stil karakteristik i Bieberit në të kaluarën.
Gryffin vazhdoi performancën duke luajtur këngën shumë të njohur të Bieberit, “Sorry”, pas një kërkese që dyshohej se vinte nga “ekipi” i këngëtarit. Në atë moment, DJ-i e prezantoi: “Bieber është këtu, njerëz!”
Megjithatë, pas performancës, Gryffin mbeti i habitur kur zbuloi se personi që kishte ngjitur në skenë nuk ishte Justin Bieber, por dikush që shtirej si ai. Video nga performanca janë bërë virale në rrjete sociale, duke shkaktuar reagime komike në internet.
Në një video të shpërndarë në TikTok ku imituesi shfaqet duke kërcyer pa bluzë, autori i videos kishte shkruar:
“POV: Ti shkon në klub në Vegas dhe Justin Bieber po performon.”
Në kohën e publikimit, kjo video kishte kaluar 345,000 shikime dhe kishte nxitur dhjetëra komente qesharake.
Një komentues shkroi: “Ky është Busting Jieber”, një tjetër shtoi: “Unë isha aty mbrëmë, thashë me vete: ky s’është aspak JB.”
Një i tretë bëri shaka: “Ky është Dustin Beaver nga Temu.”
Të tjerë u shprehën të habitur nga e gjithë situata.
“Është çmenduri që njerëzit me të vërtetë menduan se ishte ai, deri në atë pikë që e lanë të performojë,” shkroi dikush.
Një tjetër pyeti: “Si e lanë të futej në skenë!?”
Një tjetër komentoi: “LOL, kjo është çmenduri e vërtetë.”
Dikush shtoi: “Sa shumë njerëz janë mahnitur dhe s’kanë asnjë ide kush është. Kush e lejoi këtë të ndodhte?”
Disa raportime sugjeruan se imituesi ishte paguar për performancën, por kjo nuk rezulton të jetë e vërtetë. Në fakt, personi në fjalë – që besohet të jetë një francez me emrin Dylan Desclos – është ndaluar të hyjë më në klub.
Një zëdhënës i Wynn dhe XS Nightclub i tha TMZ-së:
“Pas një mashtrimi të mirëorganizuar dhe me disa hapa nga ai dhe ‘ekipi i tij’, një imitues i Justin Bieber u lejua të ngjitej në skenën e XS.
Sapo u kuptua gabimi, ai u nxor menjëherë nga resorti dhe iu ndalua hyrja në të ardhmen.” /Prive By Liberta Spahiu
@isaagonzalezz_ When in Vegas!!!!! I guesss #vegas #justinbieber #fyp ♬ original sound – Isagonzalez✨ 
