Formatet televizive mbarojnë, por miqësitë e vërteta të krijuara aty duket se i rezistojnë kohës dhe rikthimit në jetën reale. Ish-banorët e edicionit të katërt të Big Brother VIP Kosova, Ludo Lee dhe Benita Zena, kanë treguar edhe një herë se ruajnë një raport mjaft të ngushtë jashtë kamerave të shtëpisë më të famshme. Gjatë qëndrimit të tyre në reality show, dyshja spikati për një miqësi shumë të mirë dhe mbështetje të vazhdueshme ndaj njëri-tjetrit, një dinamikë pozitive që po vazhdon edhe tani në përditshmërinë e tyre jashtë.
Sot, Ludo ka ndarë një ‘story’ në llogarinë e tij në Instagram krah këngëtares, duke e uruar atë publikisht për performancën muzikore që ajo mbajti në “Boleros Club”. “Urime për një performancë të jashtëzakonshme. Të lumtë!”, ka shkruar Ludo, duke dëshmuar se ka qenë i pranishëm për të shijuar live muzikën e mikes së tij. Benita ka rinisur menjëherë angazhimet e saj në muzikë dhe koncertet në diasporë pas përfundimit të rrugëtimit të gjatë televiziv, dhe prania e Ludos tregon qartë shoqërinë mes tyre.
Pas kësaj paraqitjeje dhe mbështetjes së hapur, mbetet të shihet a do të ketë projekte të përbashkëta mes dyshes. /Prive By Liberta Spahiu
