Xheneta Fetahu sapo ka bërë hapin e radhës pas operacionit të saj të dytë në hundë: heqjen e fashave!
Ndërhyrja kirurgjikale, e cila u realizua disa ditë më parë dhe u bë kryefjalë në media, nuk ishte aspak një tekë estetike, por një domosdoshmëri urgjente shëndetësore. Siç e ka pranuar vetë opinionistja e “Big Talk”, puna e dështuar nga operacioni paraprak i kishte shkaktuar një bllokim total të frymëmarrjes, duke e detyruar atë të futej sërish në sallë.
Tani që faza më e vështirë ka kaluar, Xheneta sapo ka vendosur të ndajë pamjet e para pa fasha. Në fotot e fundit, ajo shfaqet me fytyrën ende të ënjtur, një proces krejtësisht normal i rikuperimit. Megjithëse është ende shumë herët për të parë rezultatin final dhe formën e re të hundës, ajo nuk ka hezituar ta tregojë këtë proces krejtësisht të pafiltruar për publikun.
Ndërkohë, pyetja që mbetet hapur është rikthimi i saj në televizion.
Pasi mungoi të shtunën e kaluar për shkak të ndërhyrjes, ende nuk dihet nëse koha e shkurtër e rikuperimit do t’i lejojë asaj që të ulet këtë fundjavë në karrigen e opinionistes krah moderatores Diellza Daka.
Mbetet të shihet nëse ajo do t’ia dalë të jetë e pranishme në studio. /Prive By Liberta Spahiu
