Pak ditë më parë, rrjetet shpërthyen nga lajmi se Rita Ora kishte ndjekur Yll Limanin në Instagram – një veprim që u pa si sinjal i parë i një afrimi artistik mes tyre. D
he tani, shkëmbimi i fundit i komenteve mes dyshes vetëm sa ka shtuar më shumë dyshimet.
Në një postim të fundit të Ritës, Ylli ka komentuar me thjeshtësi “RITAAA ❤️”, ndërsa përgjigjja e menjëhershme e super-yllit me origjinë nga Kosova “@ylllimani 👀” ka mjaftuar që ndjekësit të shpërthejnë me teori e aludime për një bashkëpunim të mundshëm.
Ky shkëmbim i shkurtër, por i mbushur me “tension pozitiv”, po shihet si një konfirmim i heshtur se diçka po përgatitet.
Dy artistë me zëra dhe energji krejt të ndryshme, por që mund të krijojnë një kombinim unik nëse bashkohen në një projekt muzikor.
Për momentin, asnjëri prej tyre nuk ka dhënë ndonjë deklaratë zyrtare, por komunikimi i hapur në rrjete sociale i ka mjaftuar publikut për të nisur pritjen.
A është ky fillimi i një bashkëpunimi që do të trazojë skenën muzikore? Tik tak, me shumë gjasë po! /Prive By Liberta Spahiu
