Këngëtarja e njohur Vesa Luma ka ndarë së fundmi një mesazh mjaft prekës dhe plot emocion në profilin e saj në Instagram.
Përmes një postimi në InstaStory, artistja ka reaguar direkt mbi protestat që po zhvillohen në Shqipëri për mbrojtjen e mjedisit, duke shprehur mbështetjen e saj të plotë për këtë kauzë qytetare.
“Jam rrit në Prishtinë, në një vend ku demokracia ka qenë gjithmonë një vlerë e panegociueshme. Jemi mësuar të ngremë zërin dhe të protestojmë sa herë që kemi menduar se diçka nuk ka qenë në rregull, edhe si fëmijë..Pas luftes, kur beheshin zgjedhjet ne vend ,kishte raste kur ne familjen time votonim per parti te ndryshme,dhe ishte (vazhdon të jetë) shume OK . Kjo frymë ka munguar shumë ne Shqiperi,dhe më vinte shumë keq ..
Por , duke parë nga afër në Tiranë në protestë,fytyrat e të rinjëve, me ato sy të qeshur plot lumturi ,mora nje energji ,një shpresë të re që Shqipëria do te jetë ne duar të sigurta! Shumë emocionuese dhe adrenalinë. Jam e lumtur qe Lian e pa nga afër dhe e ndjeu po të njejten gjë..jo rastesisht e morrem me vete.
E sidomos kur një nga kauzat është mbrojtja e natyres dhe biodiveristetit te Shqipërisë,vendit me te bukur ne bote”.
Përmes këtyre rreshtave, këngëtarja ka përcjellë disa mesazhe tejet të fuqishme.
Ajo ka bërë fillimisht një paralelizëm me fëmijërinë e saj në Prishtinë, duke kujtuar se si kultura e protestës dhe liria për të menduar ndryshe kanë qenë gjithmonë vlera të padiskutueshme atje – një frymë që, sipas saj, i ka munguar Shqipërisë për një kohë të gjatë.
Megjithatë, ajo që i ka dhënë më shumë optimizëm artistes ka qenë pikërisht prania e rinisë.
Duke parë nga afër energjinë dhe sytë plot dritë të të rinjve në sheshin e Tiranës, Vesa u shpreh se fitoi një shpresë të re se e ardhmja e vendit do të jetë në duar të sigurta.
Për më tepër, ajo zgjodhi që këtë leksion qytetarie t’ia përcjellë edhe djalit të saj, Lianit, të cilin e mori me vete që ta përjetonte këtë frymë reagimi që në moshë të vogël.
Në mbyllje, këngëtarja vuri theksin te mbrojtja e mjedisit dhe e biodiversitetit, duke e cilësuar këtë si një ndër kauzat më sublime për Shqipërinë, të cilën pa ngurrim e quan vendin më të bukur në botë.
Me këtë reagim të ndjerë, Vesa Luma dëshmon se përtej skenës dhe artit, ajo mbetet një zë i fuqishëm qytetar dhe një nënë e përkushtuar për të mbështetur kauzat e drejta që mbrojnë pasuritë natyrore të vendit.
