Pas zhurmës në rrjet që nisi të enjten, kur festoi ditëlindjen me një event glamuroz, Gresë Gashi ka reaguar publikisht për herë të parë ndaj komenteve që kanë vërshuar për pamjen e saj, trupin dhe veshjen.
Pasi video dhe foto nga festa e saj u shpërndanë gjerësisht, shumë ndjekës nisën të komentojnë për trupin, peshën dhe fustanin që kishte zgjedhur për mbrëmjen, gjë që duket ka arritur tashmë kulmin tek aktorja.
Në një postim të gjatë në Instagram Story, ajo shkruan:
“E di që shumë kanë komentuar mbi trupin tem, brekt e mia, peshën tem. Edhe çka? Unë s’jam as momenti, as brekt, as pesha. Jam këtu për me shkëlqy.”
Me një ton të drejtpërdrejtë dhe të fuqishëm, Gresa theksoi se nuk ka ndjerë nevojën të reagojë më parë, pasi – siç thotë ajo – “nuk është këtu për me ju pëlqy, por për me shkëlqy.”
Ajo i dërgon një mesazh të qartë atyre që e kanë kritikuar: “Nëse drita jem ju verbon, shane dritën, jo mu.”
Dhe për ta mbyllur me ironi, ajo shton: “Përveç brekve s’keni pa kurgjo hala.”
“Unë jam një vajzë që organizoi një festë si mbretëreshë,” theksoi ndër tjerash Gresa. /Prive By Liberta Spahiu
