Një skenë e pazakontë është parë sot para “shtëpisë më të famshme në vend”, ku këngëtari Labinot Rexha ka mbajtur një protestë simbolike për të kërkuar përfshirjen e tij në “Big Brother VIP Kosova 4”.
I shoqëruar nga disa mbështetës të tij, më pak dhjetë persona në total, Labi ka dalë para kamerave me pankarta e bluza të personalizuara ku shkruhej “Pa Labin s’ka Big Brother” dhe “Unë kam vetëm një fitues, ai është Labi”.
Në sfond, disa prej tyre mbanin në duar pankarta të tjera me mbishkrime ironike si “BBVK4 – Thuaj po Labit”, ndërsa atmosfera u shoqërua me humor e brohoritje.
Në mesin e të pranishmëve ishte edhe tiktokeri i njohur Roki Alb, i cili e ka mbështetur publikisht këngëtarin në këtë nismë.
Ende nuk ka ndonjë reagim nga produksioni i “Big Brother VIP Kosova” lidhur me këtë veprim simbolik, por duket se Labinoti po e shfrytëzon çdo mënyrë për të qenë pjesë e edicionit të katërt të spektaklit që pritet të nisë shumë shpejt.
/Prive By Liberta Spahiu
