Olta Gixhari dhe Leonora Jakupi janë dy opinionistet që po shoqërojnë netët e gjata të këtij edicioni në “Big Brother VIP Kosova 4”. E nëse publiku ishte mësuar vjet me “shkëndijat”, debatet e ashpra dhe akuzat mes Oltës dhe Milaim Zekës, këtë vit panorama në studion e BBVK duket krejtësisht ndryshe.
Mes dy zonjave duket se ka një kimi të shkëlqyer dhe raporti i tyre, të paktën për momentin, është larg çdo toksiciteti. Këtë e vërteton më së miri atmosfera në prapaskenë, të cilën Olta nuk ka ngurruar ta ndajë me ndjekësit e saj.
Në një video epike të realizuar në dhomën e grimit, ku të dyja shfaqen duke u bërë gati me rrobdeshamber, Olta me humorin e saj karakteristik shihet teksa i shërben Leonorës.
“Diva rri zbath. Shifeni si e mbaj Llenkin, dua rritje rroge,” – dëgjohet të thotë aktorja me shaka, teksa përkulet për t’i rregulluar veshjen këngëtares, duke nënkuptuar se Leonora po trajtohet si një “mbretëreshë” e vërtetë.
Kujdesi i Oltës vijon më tej me batuta, teksa e nxit kolegen e saj të bëhet gati: “Vishi shpejt se po ftofesh. Tani ulu zbukurohu zonjë.”
Këto momente tregojnë një frymë shumë pozitive dhe bashkëpunuese mes dy opinionisteve, duke sjellë një energji të re në këtë sezon të katërt.
/Prive By Liberta Spahiu
