Lindita Halimi është mësuar prej vitesh t’i ketë të gjithë sytë e publikut dhe kamerat mbi vete, por këtë fundjavë rolet kanë ndryshuar dhe ajo nuk mund të ishte më e lumtur se kaq.
Këngëtarja e njohur shqiptare, e cila ka ndërtuar jetën e saj në Shtetet e Bashkuara, ka ndarë me ndjekësit një moment krenarie që çdo prind do ta ëndërronte. Vajza e saj e vogël, Kaimana, ka bërë debutimin e saj të parë si performuese, dhe nuk e ka nisur me hapa të vegjël, por direkt në parketin gjigant të një ndeshjeje të NBA-së.
Në postimin e fundit që ka mbushur llogarinë e saj me urime, Lindita shihet tejet e emocionuar teksa filmon të bijën duke kërcyer me plot vetëbesim gjatë ndeshjes mes Atlanta Hawks dhe Charlotte Hornets. E veshur sportive dhe me një energji shpërthyese që të kujton menjëherë të ëmën, Kaimana ka dhuruar spektakël para mijëra të pranishmëve në “State Farm Arena”, duke dëshmuar se skena është vendi i saj natyral.
Vetë Lindita nuk i ka fshehur emocionet e forta të një “proud mommy”, duke u shprehur se po “humbiste mendjen” nga gëzimi teksa shihte të bijën të startonte rrugëtimin e saj direkt nga maja. Duket qartë se në familjen e tyre dardha bie nën dardhë dhe Kaimana e ka trashëguar gjenin e artit, duke e kthyer Linditën nga yllin e skenës, në tifozën më të zjarrtë në tribunë. Ky duket vetëm fillimi për vogëlushen që tashmë ka nisur të shkëlqejë. / Prive By Liberta Spahiu
View this post on Instagram
