Moderatori Meriton Mjekiqi sot mbush 30 pranvera.
Me një rrugëtim që nisi nga modelingu, ai hyri në botën televizive si prezantues në RTV21, për të vijuar më pas në Klan Kosova dhe së fundmi në Top Channel, ku është kthyer në një nga figurat më të dashura të publikut.
I ndjekur për stilin e tij të drejtpërdrejtë dhe energjinë unike në ekran, Meriton ka moderuar disa sezone të suksesshme të programit të tij, si dhe ka qenë pjesë e “Big Brother VIP Albania 3”, ku fitoi edhe më shumë zemra.
30-vjetori e gjen Meritonin beqar por të rrethuar me dashuri, vlerësim dhe urime të shumta nga miq, kolegë e ndjekës.
Një nga urimet më të veçanta ka ardhur nga vëllai i tij, Rinori, i cili ka ndarë një foto të tyre nga fëmijëria me fjalët prekëse: “Të dua ma shumë se veten”.
Një dekadë e re, plot sfida dhe suksese, sapo ka nisur për Meriton Mjekiqin. /Prive By Liberta Spahiu
