Dje, Elsa Lila e ftuar në emisionin “Mirëmbrëma Yje”, ka lëshuar akuza të forta ndaj këngëtares Albina Klemendi.
Në vitin 2014, Elsa Lila ishte trajnere në “The Voice of Albania”, ndërsa Albina ishte pjesë e skuadrës së saj.Vite më vonë, në Festivalin e Këngës 2023, rrugët e tyre u kryqëzuan sërish – këtë herë si rivale.
Elsa Lila u vlerësua me çmimin e parë nga juria, por bileta për në Eurovision iu dha Albinës dhe familjes Kelmendi pas votimit të publikut. Pikërisht këtë moment këngëtarja e ka përmendur në intervistën e saj, duke thënë se “votat u blenë”.
“Ju mendoni që m’u dha haku që meritoja? Mendoj që jo, ç’publik?”, deklaroi ajo me ton të prerë. Sipas saj, ka pasur prova për parregullsi në votim, por zgjodhi të mos e çonte çështjen në gjykatë. “Jam e ndershme dhe nuk bëj skandale, por të kenë kujdes sepse gjykatat funksionojnë kur duan. Hakmarrja është një pjatë që serviret e ftohtë”, shtoi ajo.
Në deklaratën e saj, Elsa nënvizoi gjithashtu se “e ka bërë” Albinën, duke kujtuar periudhën e trajnimit në “The Voice”. “E bëra me duart e mia, me diturinë time dhe me artin tim,” u shpreh ajo, pa përmendur emra, por me aludim të qartë.
Pas këtyre fjalëve, sytë e publikut janë drejtuar menjëherë nga Albina Kelmendi.
Por ndryshe nga sa pritej, ajo ka zgjedhur heshtjen totale. Asnjë reagim publik, as deklaratë dhe as ndonjë postim në rrjete sociale.
Duket se heshtja është mënyra që Albina ka zgjedhur për t’iu shmangur kësaj zhurme të madhe, ndoshta duke lënë që muzika e saj të flasë në vend të fjalëve.
/Prive By Liberta Spahiu
