Gjykata ka shpallur vendimin për mjekët Petrit Rexhepi dhe Elona Burba, të cilët u akuzuan për neglihencë profesionale në rastin e vdekjes së Doriana Hakës, bashkëshortes së ish-portierit të Partizanit, Alban Hoxha.
Ngjarja tragjike ndodhi në nëntor të vitit 2014, dy javë pasi Doriana Haka kishte sjellë në jetë djalin, fëmijën e saj të parë.
Familjarët e 27-vjeçares kanë kërkuar drejtësi për vdekjen e saj për vite me radhë, dhe vendimi i sotëm vjen pas një procesi të gjatë hetimor dhe gjyqësor.
Sipas raportimit, mjekja reanimatore Elona Burba u shpall fajtore dhe u dënua me 1 vit burg, dënim i cili u konvertua në 2 vite shërbim prove.
Gjykata gjithashtu vendosi pezullimin e licencës së saj për një periudhë 2-vjeçare.
Ndërkohë, kirurgu Petrit Rexhepi u shpall fajtor dhe u dënua me 6 muaj burg, të cilët u konvertuan në 12 muaj shërbim prove. /Prive By Liberta Spahiu
