Këngëtarja e njohur, Barbana Dini, ka ndarë një dedikim tepër të ndjerë në rrjetet sociale, duke kujtuar vëllain e saj, këngëtarin Ergi Dini, në 9-vjetorin e ndarjes së tij tragjike nga jeta.
Ergi Dini, fitues i “X Factor Albania 3” dhe një talent i ri i muzikës, humbi jetën në moshën 22-vjeçare pas një aksidenti të rëndë me motor që ndodhi më 21 nëntor 2016.
Në postimin e saj në Instagram, Barbana përshkruan dhimbjen që ka shoqëruar këto nëntë vite dhe vështirësinë për të pranuar humbjen. Ajo shkruan:
“Si ikën 9 vite nga largimi yt vëlla? Duhen shumë vite por kjo datë 21 nëntori i vitit 2016, ku me një telefonatë mora lajmin se të humbëm përgjithmonë… Thonë se koha shëron çdo plagë por nuk mund të them se është e vërtetë. Është thjesht një gënjeshtër më shumë për të ngushëlluar vetveten.”
Më tej, Barbana thekson se si humbja e vëllait i ka ndryshuar rrënjësisht jetën dhe perspektivën.
“Më ikjen tënde sfidat e mia ndryshuan! Gjatë këtyre viteve mësova si të jetoj duke më munguar ti, çdo ditë ,sado kohë të kalojë… Uroj të kesh gjetur paqen e përjetshme së bashku me babin…derisa të takohemi sërish i vogli im…”
Dedikimi i Barbanës ka marrë qindra komente ngushëllimi dhe zemre nga miq, kolegë dhe fansa, duke treguar se kujtimi i Ergi Dinit vazhdon të jetë i gjallë në zemrat e shumë njerëzve. /Prive By Liberta Spahiu
View this post on Instagram
