Një pamje e rrallë që ka ngjallur interes të madh në publik: Shyhrete Behluli dhe Shkurte Fejza, dy prej emrave më të mëdhenj të muzikës popullore shqiptare, janë parë sot në të njëjtin vend, pas shumë vitesh ftohjeje të njohur publike.
Ngjarja ka ndodhur në Mushtisht, me rastin e përurimit të Shtëpisë së Kulturës “Afërdita”, në praninë e kryetarit të komunës së Suharekës, Bali Muharremaj, si dhe të këngëtares tjetër të njohur nga i njëjti fshat, Remzie Osmani.
Shyhrete dhe Shkurta ndodheshin shumë pranë njëra-tjetrës gjatë prerjes simbolike të shiritit, por pa asnjë shenjë komunikimi mes tyre – as përqafim, as përshëndetje. Thjesht heshtje e ftohtë, por një prani që vetvetiu bëri më shumë zhurmë se çdo fjalë.
Çfarë ka ndodhur mes tyre?
Përplasja mes tyre është aluduar për më shumë se një dekadë, por nuk është mohuar asnjëherë plotësisht. Në vitin 2014, Shkurte Fejza e pyetur nëse kishte ndonjë raport me Shyhreten, ajo zgjodhi të mos komentonte nëpër intervista
Nga ana tjetër, Shyhrete Behluli është shprehur disa herë se:
“Ka pasur kolege me të cilat nuk kemi pasur marrëdhënie të ngushta, por kjo nuk do të thotë se ka ndonjë armiqësi. Thjesht rrugët ndahen.”
Burime të afërta me industrinë kanë përfolur për një ftohje që lidhet me përplasjet për organizime koncertesh dhe rivalitete artistike, por asgjë nuk është konfirmuar zyrtarisht nga palët.
Sido që të jetë e vërteta, ajo që ndodhi sot në Mushtisht është një moment i shënuar për muzikën popullore e shoubizzin! Dy bilbila të artë në të njëjtin vend, pas kaq shumë vitesh largësi. Ndoshta nuk ishte pajtim, por ishte një fillim… në heshtje. /Prive By Liberta Spahiu
