Situata brenda shtëpisë së Big Brother VIP Kosova është tensionuar jashtë mase gjatë ditës së sotme, duke bërë që reagimet të vijnë edhe nga jashtë.
Lediana, vajza e këngëtares Fjolla Morina, ka thyer heshtjen përmes një postimi në rrjetin social Instagram, pas debateve të forta që nëna e saj pati me dy banoret e tjera, Albën dhe Shkurtën.
“Kufijtë janë kaluar, kjo nuk është pjesë e spektaklit”
Përmes një deklarate të gjatë, Lediana u shpreh se nuk do të tolerojë më ofendimet që i bëhen nënës së saj.
Sipas saj, kritika dhe loja janë të pranueshme, por fyerja e figurës së nënës dhe gruas nuk mund të konsiderohet kurrë si pjesë e “shout”.
Ajo theksoi se asnjë rrethanë televizive nuk e arsyeton përdorimin e sulmeve personale për të fituar vëmendje apo klikime.
Në reagimin e shpërndarë edhe në llogarinë zyrtare të Fjollës, sjellja e Albës dhe Shkurtës është cilësuar si e ulët dhe e llogaritur për ta nxjerrë këngëtaren nga vetja.
Sipas deklaratës, dy banoret kanë ndërhyrë në momentin kur Hygerta po përpiqej të qetësonte situatën, duke provokuar qëllimisht Fjollën drejt humbjes së kontrollit. “Kjo nuk është guxim, kjo është mungesë respekti,” shkruan Lediana, duke kërkuar përgjegjësi nga ata që e lejuan këtë situatë.
Lediana preku edhe anën njerëzore, duke kujtuar se pas çdo banori ka një familje që i ndjek. Ajo përmendi mallin që Fjolla ka për fëmijët e saj, të cilët ka javë pa i parë, dhe bëri thirrje që ky fakt të mos përdoret si pikë e dobët.
“Sot është nëna ime, nesër mund të jetë çdo nënë tjetër. Nëse heshtim, bëhemi pjesë e problemit,” përfundoi ajo, duke e mbyllur mesazhin me fjalët se dinjiteti njerëzor nuk është opsion, por kufi që nuk duhet kaluar. /Prive By Liberta Spahiu
