Gjesti, ka dalë me një tjetër reagim të fortë publik, duke njoftuar se përplasja e tij për të drejtat e autorit me kompaninë Onima, tashmë do të zgjidhet në rrugë ligjore.
Përmes një postimi në llogarinë e tij në Instagram, artisti ka bërë të ditur se ditën e sotme do të bëjë një kallëzim penal në Prokurori kundër kompanisë muzikore “Onima”.
Në deklaratën e tij, Gjesti sqaron se pas konsultimeve me ekipin e tij mbrojtës, vendimi për t’iu drejtuar drejtësisë erdhi pasi kompania “Onima”, bashkë me stafin dhe bashkëpunëtorët e saj, kanë vepruar jashtë vullnetit të tij.
“Të cilët pa dijeninë dhe pa autorizimin tim kanë nënshkruar kontratë rreth të drejtave të autorit për të gjitha veprat e mia,” – shkruan këngëtari në Instastory, duke zbuluar kështu thelbin e konfliktit.
Për të treguar transparencë dhe për të dhënë versionin e tij të plotë të ngjarjes, Gjesti ka ftuar të gjitha mediat e interesuara të jenë të pranishme pas orës 14:00, ku ai dhe avokati i tij do t’u përgjigjen pyetjeve të gazetarëve.
Mbetet për t’u parë se çfarë detajesh të reja do të zbulojë artisti në këtë përballje me mediat dhe se si do të përgjigjet pala e akuzuar, kompania “Onima”, pas këtij kallëzimi penal.
/Prive By Liberta Spahiu
