Udhëtimet nga diagnoza te shërimi janë të ndryshme për secilin, por këto yje kanë një të përbashkët: kanë ndarë publikisht përvojat e tyre për të edukuar, frymëzuar dhe ndihmuar të tjerët.
Sipas CDC, kanceri i gjirit është forma e dytë më e zakonshme e kancerit tek gratë amerikane, me rreth 273,000 raste të reja të raportuara në vitin 2021.
Shumë njerëz të famshëm janë përballur me këtë diagnozë dhe gjithnjë e më shumë prej tyre flasin hapur, duke u kujtuar grave rëndësinë e kontrolleve të rregullta mjekësore dhe kujdesit ndaj vetes.
Ja disa histori të grave dhe burrave të famshëm që janë përballur me kancerin e gjirit:
1. Jessie J – U diagnostikua në moshën 37 vjeç
Në qershor 2025, Jessie J zbuloi se ishte diagnostikuar me kancer të hershëm në gji. Ajo planifikoi t’i nënshtrohej një ndërhyrjeje kirurgjikale dhe vendosi të tërhiqej për një kohë. Në një video në Instagram, ajo tha:
“Kam ndarë gjithmonë çdo gjë me ndjekësit. Fjala ‘hershëm’ më jep forcë. Kanceri është i tmerrshëm, por më kapën herët.”
Më vonë, ajo tregoi se kanceri ishte hequr dhe se do të bënte edhe një operacion rikonstruktiv.
2. Tina Knowles – Në moshën 70 vjeç
Ndërsa shkruante kujtimet e saj, ajo mësoi se kishte kancer të fazës së parë në njërin gji. Iu nënshtrua operacionit për heqjen e tumorit dhe një reduktim të gjirit.
“Jam mirë, pa kancer dhe falë Zotit që e zbulova herët,” – tha ajo. Ajo theksoi rëndësinë e mamografisë së rregullt.
3. Olivia Munn – Në moshën 42 vjeç
Në mars 2024 zbuloi se kishte qenë në trajtim për kancerin e gjirit për gati një vit.
Pavarësisht se kishte test negativ për gjenet e kancerit, ajo u diagnostikua 2 muaj pas mamografisë normale.
Përjetoi operacione, një mastektomi të dyfishtë, terapi hormonale dhe më pas solli në jetë vajzën e saj përmes një surrogate.
4. Danielle Fishel – Në moshën 43 vjeç
Aktorja e Boy Meets World u diagnostikua me një formë të hershme të kancerit të quajtur DCIS. E zbuloi falë mamografisë vjetore.
“E kapëm në fazën zero. Vetëm sepse e bëra mamografinë në kohë.”
5. Linda Evangelista – Në moshën 53 vjeç
Supermodelja bëri mastektomi të dyfishtë pas një lumpektomie që nuk shkoi mirë. Kanceri u rikthye në vitin 2022, por ajo mbeti e fortë dhe kërkoi trajtim agresiv.
“Nuk dua të vdes nga kanceri i gjirit. Jam në mod festimi.”
6. Robin Roberts – Në moshën 46 vjeç
Moderatorja e Good Morning America njoftoi publikisht për diagnozën në vitin 2007. E zbuloi gjatë një vetëkontrolli.
Trajtimi i saj përfshiu kimioterapi dhe rrezatim. Në 2022, edhe partnerja e saj u diagnostikua dhe tani është në gjendje të mirë.
7. Angelina Jolie – Në moshën 37 vjeç (rrezik i lartë, jo diagnozë direkte)
Pas analizave që treguan rrezik të lartë për kancer gjiri, Jolie vendosi të bënte mastektomi të dyfishtë në mënyrë parandaluese.
“Dua që fëmijët e mi të mos kenë frikë se do të më humbin nga kanceri i gjirit.”
8. Mathew Knowles – Në moshën 67 vjeç
Babai i Beyoncé zbuloi se kishte gjakderdhje nga gjoksi dhe pas analizave u diagnostikua me kancer gjiri – i rrallë tek meshkujt.
Zbuloi se mbart gjenin BRCA dhe tani e përdor platformën për të edukuar meshkujt, sidomos ata me ngjyrë.
9. Rita Wilson – Në moshën 58 vjeç
Edhe pse analizat e para dolën negative, një mikeshë e shtyu të kërkonte një mendim të dytë, dhe kjo e shpëtoi. Iu nënshtrua një mastektomie të dyfishtë.
Në vitin 2025, ajo festoi 10 vjet pa kancer.
“Jam thellësisht mirënjohëse. Nuk është gjithmonë e lehtë, por ia vlen.”
10. Cynthia Nixon – Në moshën 40 vjeç
Aktorja e njohur nga Sex and the City u diagnostikua pas një mamografie rutinë dhe e mbajti të fshehtë për 18 muaj, derisa u bë ambasadore për ndërgjegjësim ndaj kancerit të gjirit.
“Isha e frikësuar. Por u ndjeva me fat që e kapëm herët dhe e trajtuam shpejt.”
/Prive By Liberta Spahiu
