Ka një kohë të gjatë që Agon Amiga, ish-anëtari i njohur i grupit Babastars, është shkëputur nga muzika dhe jeta publike.
Aktualisht, ai jeton në Gjermani, ku ka ndërtuar një përditshmëri të qetë larg vëmendjes mediatike. Megjithatë, kjo jetë private duket se po i dhuron momentet e tij më të bukura, dhe së fundmi ai ka ndarë një copëz nga kjo lumturi me ndjekësit e tij.
Vitin e kaluar u bë e ditur se ish-reperi u bë baba për herë të dytë me ardhjen në jetë të vajzës së tij, Emma. Ndërsa tani, përmes një postimi në rrjetet sociale, Agoni ka publikuar fotografinë e parë, duke na prezantuar me portretin e së voglës.
Në këtë imazh, ai shfaqet i buzëqeshur teksa mban në prehër vajzën e tij.
Ardhja e Emmës ka plotësuar familjen, pasi Agoni është gjithashtu baba i një djali pesëvjeçar.
Kjo fotografi pasqyron një kapitull të ri në jetën e tij, ku zhurma e koncerteve dhe rivalitetet muzikore kanë lënë vendin për përkushtimin ndaj familjes. Për momentin, pavarësisht nostalgjisë së disa ndjekësve për një rikthim në muzikë, duket se roli i tij i preferuar mbetet padyshim ai i një prindi të përkushtuar. /Prive By Liberta Spahiu
