Ditën e djeshme, këngëtarja e njohur shqiptare Parashqevi Simaku festoi 59-vjetorin e lindjes.
Artistja ikonike e muzikës shqiptare zgjodhi ta kalonte ditën e saj të veçantë mes miqve dhe të afërmve në një darkë festive në New York, aty ku prej vitesh jeton.
Në rrjetet sociale kanë qarkulluar pamje nga festa, ku Parashqevi shihet e rrethuar nga miqtë e saj, por momenti që preku më shumë publikun ishte ai kur këngëtarja këndoi shqip.
Ajo i këndon, Kosovës dhe presidentit historik Ibrahim Rugova, duke sjellë një emocion të veçantë për të pranishmit dhe për të gjithë ata që e ndoqën videon online.
59-vjetori i saj shënoi jo vetëm një festë mes miqsh, por edhe një moment të rrallë artistik që e bëri edhe më të veçantë këtë ditëlindje. /Prive By Liberta Spahiu
