Shën Valentini ‘tradhëton’ sekretin: Vesel Kurtishaj prezanton të dashurën e re pas ndarjes së bujshme
Nata e të dashuruarve duket se ka qenë momenti ideal që Vesel Kurtishaj të thyejë akullin dhe të konfirmojë se zemra e tij është sërish e zënë. Pesë muaj pasi Prive By Liberta Spahiu raportoi sa i përket ndarjes së diskutuar gjerësisht nga e fejuara e tij e mëparshme, ish-fituesi i Big Brother zgjodhi pikërisht 14 shkurtin për të bërë atë që njihet si “soft launch” i partneres së re në rrjetet sociale.
Përmes një postimi në Instagram Story, Veseli ndau një foto bardh e zi të një vajze duke shijuar një darkë romantike, të cilën e shoqëroi minimalistisht vetëm me një emoji trëndafili të kuq. Edhe pse ai u mundua të tregohej diskret duke mos e bërë tag, misteri u zgjidh shumë shpejt.
Ishte vetë vajza, Rreze Kuçi, e cila e ripostoi foton në profilin e saj, duke i shtuar një emoji përqafimi intim, çka vulosi zyrtarisht statusin e tyre si çift.
Kjo romancë e re vjen në një kohë relativisht të shkurtër pas përfundimit të fejesës së tij me Frosinën në shtator të vitit të kaluar. Duket se kapitulli i vjetër është mbyllur përfundimisht për Veselin, i cili tashmë po shijon hapur fillimet e reja pa u shqetësuar për sytë e publikut apo komentet mbi shpejtësinë e rrjedhës së ngjarjeve në jetën e tij private. / Prive By Liberta Spahiu
