Ish-banori i “Big Brother VIP Kosova 4”, Eduart Kuçi, vazhdon të jetë mjaft aktiv në mbështetjen e ish-shokëve të tij të shtëpisë.
Vetëm pak ditë më parë, ai bëri bujë me një postim ku mbështeste hapur Ludo Leen për finalen, duke shkruar: “Hajde Ludo nxerre hakun, me ty deri në fund”, një deklaratë që konfirmoi afërsinë e tyre të fortë.
Megjithatë, Edi ka befasuar ndjekësit me një reagim të fundit në rrjetet sociale. Kësaj radhe, vëmendja e tij është përqendruar te Londrimi.
Përmes një postimi të ri, ai ka bërë thirrje për ta votuar Londrimin si finalistin e dytë, duke treguar kështu një mbështetje të dyfishtë për garën e ethshme drejt çmimit të madh.
“Kape o tezak, rrnoftë sinqeriteti, drejtësia Londra”, shkroi Edi në postimin e tij.
Ky veprim ka habitur publikun, duke pasur parasysh afërsinë e tij të madhe dhe deklaratat e mëparshme vetëm për Ludon. Me këtë lëvizje, Edi po tregon se dëshiron t’i shohë të dy miqtë e tij në finale, duke u rreshtuar krah tyre në këto momente vendimtare të formatit.
Mirëpo nëse Londrimi është në finale, për cilin nga banorët do bëjë tifo për fitore Edi? /Prive By Liberta Spahiu
