Pas bujës që shkaktoi me konfirmimin e lidhjes së tij të re, aktori i njohur i humorit, Bes Kallaku, ka ndarë me ndjekësit një tjetër mesazh kuptimplotë.
Vetëm pak ditë më parë, Besi “thyu rrjetin” duke postuar një foto ku shfaqeshin dy duar të shtrënguara fort, teksa në parakrahun e tij dallohej qartë emri “Ejona” dhe data “25.12.2025”, duke vulosur kështu nisjen e një kapitulli të ri pas ndarjes nga Xhensila Myrtezaj.
Në postimin e tij më të fundit në Instagram, aktori ka zgjedhur një rresht biblik për të shprehur gjendjen e tij shpirtërore. Përmes një fotoje bardhezi, ku shfaqet i buzëqeshur dhe i qetë, ai ka cituar Psalmin 30:11:
“Ti më ke kthyer vajtimin në valle, më ke hequr rrethin e fatkeqësisë dhe më ke mbushur me gëzim!”.
Ky dedikim duket si një pasqyrim i qartë i periudhës që ai po kalon, duke lënë pas vështirësitë e ndarjes dhe duke gjetur lumturinë në krahët e partneres së re. Duket se data 25 dhjetor e vitit që lamë pas ka qenë pika e kthesës për aktorin, i cili tashmë nuk ngurron ta shprehë hapur mirënjohjen për këtë “gëzim” të ri në jetën e tij. /Prive By Liberta Spahiu
