Dyshja e njohur, DJ PM & DJ Dagz, kanë sjellë projektin më të ri muzikor në bashkëpunim me ikonat e hip-hop-it shqiptar, MC Kresha dhe Lyrical Son.
Kënga titullohet “Ojro” dhe u publikua ditën e sotme në platformën Youtube.
“Ojro” është pjesë e albumit më të fundit të PM & Dagz dhe përfaqëson një kombinim perfekt të beat-eve moderne me lirikat e forta të dy prej reperëve më të dashur në Kosovë dhe Shqipëri. Projekti është prodhuar nga PM TO THE DAGZ dhe Sonic Studio.
Teksti është shkruar nga vetë MC Kresha dhe Lyrical Son, ndërsa videoklipi është realizuar nga Mars Studio, duke sjellë një pamje vizuale tërheqëse që i jep jetë këngës.
Fansat kanë pritur me padurim këtë bashkëpunim, dhe reagimet e para janë tejet pozitive, duke e cilësuar “Ojro” si një nga prurjet më të ‘nxehta’ të këtij sezoni muzikor.
Dëgjojini më poshtë! /Prive By Liberta Spahiu
