Dalja e papritur e Mentor Hazirit nga shtëpia e Big Brother VIP Kosova pa u mbushur 24 orë ka një shpjegim të dhimbshëm. Këngëtari ka lënë garën për shkak të gjendjes së rënduar emocionale pas humbjes së djalit të dajës, regjisorit të njohur Kushtrim Asllani.
Ndonëse Mentori provoi të bëhej pjesë e formatit, dhimbja e freskët e bëri të pamundur vazhdimin. Kjo gjendje zie vërehet qartë edhe në reagimin e tij të parë publik në momentin kur ndodhi tragjedia, pak javë më parë.
Përmes një postimi të ndjerë në rrjetet sociale, Mentori shkruante me dhimbje të madhe për humbjen e parakohshme:
”Kushtrimi, djali i dajës, na la e na tronditi të gjithëve sot. Një djalë shembullor, një artist e regjisor me një kontribut të madh në teatrin e Ferizajt e komunitetin tonë artistik. Një djalë që na donte të gjithëve e që priste me ardhë me na pa në pranverë. Të pushoftë shpirti në parajsë, Kusho!”
Ky dedikim tregon lidhjen e fortë që kishin dhe shpjegon pse këngëtari e kishte të pamundur të gjente forcën për lojë në një moment kaq delikat për familjen e tij. /Prive By Liberta Spahiu
