Ajo ka qenë gjithmonë një figurë e fortë, qoftë në arenën politike, qoftë në jetën publike. Rudina Hajdari, e bija e të ndjerit Azem Hajdari, mbetet një emër që ngjall interes edhe pse tashmë larg skenës politike.
Jeta e saj private, si gjithmonë, ka tërhequr vëmendje, veçanërisht pas verës së kaluar kur u zbulua lidhja e saj me regjisorin e njohur Tan Kazazi. Vetë Rudina e konfirmoi romancën përmes postimeve në rrjete sociale ku nuk mungonin pozat romantike dhe momentet e përbashkëta.
Por diçka duket se ka ndryshuar.
Pas gati një viti lidhjeje, çiftit simpatik duket se po i fryjnë erëra të ftohta. Një vëzhgim i thjeshtë në Instagram mjafton për të vënë re se Rudina dhe Tani nuk ndiqen më me njëri-tjetrin. Madje, edhe fotot e dikurshme janë zhdukur krejtësisht nga profilët e tyre.
Në përditësimet e fundit Rudina shfaqet vetëm, në udhëtime dhe aktivitete, por pa praninë e Tanit. Nga ana tjetër, regjisori ka zgjedhur heshtjen, me pak postime dhe një të vetme që përmend Rudinën, nga një event i vitit të kaluar.
Asnjëri prej tyre nuk ka reaguar publikisht për ndonjë ndarje apo krizë, por mungesa e pranisë së tjetrit në rrjetet sociale është një shenjë që nuk mund të shpërfillet.
Po kalojnë thjesht një periudhë me trazira apo është fundi i një romance që premtonte shumë? Koha do ta tregojë. /Prive By Liberta Spahiu
