Biznesmeni i njohur Hakan Sabancı ka reaguar pas zërave që qarkulluan në rrjete sociale, të cilët e akuzonin për tradhti ndaj aktores Hande Erçel.
Sabancı u shpreh shkurtimisht:
“Nuk dua të flas për ndarjen. Kjo i përket vetëm jetës sonë personale. Por dua të theksoj se nuk ka pasur asnjë tradhti.”
Jeta private dhe karriera e aktores së serialeve turke, Hande Erçel, është gjithmonë në vëmendjen e fansave. Kujtojmë se në mars 2022 u bë publike ndarja e saj nga aktori Kerem Bürsin, me të cilin luajti çift në serialin e suksesshëm “Trokit në derën time”.
Pak muaj më vonë, mediat turke raportuan për romancën e saj me Hakan Sabancı, trashëgimtar i një prej familjeve më të pasura në Turqi. Megjithëse lidhja e tyre mori një status serioz dhe ata u shfaqën bashkë edhe në Festivalin e Filmit në Cannes, çifti zgjodhi ta mbajë larg syrit të publikut historinë e tyre.
Në nëntor 2023, Hande Erçel mori pjesë në dasmën e një mikeje së bashku me Sabancı.
Fotot e saj në krahët e miliarderit, ku ajo shfaqej e buzëqeshur, duke e përqafuar dhe puthur, u shpërndanë gjerësisht në rrjete sociale. /Prive By Liberta Spahiu
