Pas fitores në Big Brother VIP Kosova, Drilon Rama po vazhdon rrugëtimin e tij në ring.
Mbrëmjen e 28 qershorit, në një meç të zhvilluar në Londër, ai doli fitues përballë boksierit bjellorus Dzimitry Atrokhau, duke shënuar një tjetër triumf në karrierën e tij si sportist.
Por pavarësisht rezultatit pozitiv, vëmendja e publikut u përqendrua tek ndryshimi i papritur i kundërshtarit vetëm pak ditë para meçit. Fillimisht, Rama kishte paralajmëruar një përballje me boksierin e pamposhtur Kelvin Ngedere (7 fitore – 0 humbje), por në fund u ndesh me Atrokhau, i cili mban një rekord prej 16 fitoresh dhe plot 28 humbjesh – prej të cilave 24 janë të njëpasnjëshme, pa asnjë fitore që nga viti 2018.
Ky ndërrim ka ngjallur reagime dhe pikëpyetje në rrjetet sociale, me shumë komentues që pyesin nëse një kundërshtar me kaq shumë humbje përbën vërtet një sfidë serioze për një boksier në ngjitje si Driloni. /Prive By Liberta Spahiu.
