Gjatë mbrëmjes së djeshme në “Prime” të Big Brother VIP Kosova, Limi, bëri një lëvizje të papritur.
Ai deklaroi se ka vendosur të bëjë një hap prapa në raportin e tij me Dolce-n, duke thënë se do ta vazhdojë rrugëtimin e tij brenda shtëpisë si i vetëm. Ky vendim erdhi si një “shok” për Dolcen, e cila nuk e priste aspak.
Arsyeja kryesore e këtij vendimi sipas Limit ka qenë presioni i vazhdueshëm dhe tensionet e krijuara nga ish-partnerja e tij, Alba. Kjo e fundit nuk e ka fshehur xhelozinë dhe pakënaqësinë e saj ndaj afrimit të Limit me Dolce-n, duke krijuar situata mbytëse brenda shtëpisë. Limi u shpreh se kjo gjendje është bërë e papërballueshme, duke e çuar atë drejt ndërprerjes së njohjes për të gjetur qetësinë e tij.
Ky zhvillim ka nxitur reagime të shumta edhe jashtë shtëpisë, ku më spikatësi ishte ai i ish-banores, Sasa Hoda. Përmes një postimi në rrjetet sociale, Sasa ka shkruar vetëm një fjalë: “Karma”. Ky mesazh u interpretua menjëherë si një “shuplakë” ndaj Dolce-s, duke kujtuar se kjo e fundit bëri të njëjtën gjë në një “Prime” të kaluar kur ndërpreu live njohjen me Edin.
Situata e mbrëmshme u konsiderua si një përsëritje e historisë brenda formatit. Ndërsa më herët ishte Dolce ajo që vendosi pikat mbi “i” në lidhje me Edin para miliona shikuesve, këtë herë fati e deshi që ajo të ishte në pozicionin e personit të lënë live. /Prive By Liberta Spahiu
