Bes Kallaku ka surprizuar sërish ndjekësit e tij, por këtë herë jo me humor, por me një projekt mjaft personal dhe emocional.
Aktori dhe këngëtari i njohur ka publikuar këngën e tij më të re me titullin domethënës “Rrëfim”, e cila duket se vjen si një pasqyrim i periudhës që po kalon në jetën e tij private.
Në vargjet e kësaj kënge, Besi shfaqet më i hapur se kurrë, duke treguar se ka lënë pas ditët e vështira.
“Tash po e shoh dritën në errësirë të ditëve të mia”, thotë ai në një pjesë të tekstit, duke vazhduar me premtimin ndaj vetes: “Tash ma s’kam arsye për me pas vese të këqija”.
Ajo që ka rënë më shumë në sy dhe po diskutohet gjatë, është pjesa ku Besi flet për një ndërhyrje “hyjnore” dhe një person të ri në jetën e tij.
“Edhe sa herë që isha shenja duke kërku te Zoti, atë njeri që s’e pret, Atë ma solli. Dhe unë nuk kam fol, e kam lan kohën me fol”, janë vargjet që kanë ndezur rrjetin.
Ky projekt vjen pikërisht në kohën kur Besi ka gjetur sërish dashurinë. Ky “rrëfim” muzikor duket se është mënyra e tij për të konfirmuar se pas çdo stuhie vjen qetësia, dhe se tashmë ai ka gjetur personin që po i jep kuptim ditëve të tij. /Prive By Liberta Spahiu
