Departamenti i Gazetarisë në Universitetin e Prishtinës “Hasan Prishtina” ka inauguruar “Laboratorin e Gazetarisë Mobile & UPpodcast”.
Ky fondacion u ndihmua nga këngëtarja Tayna, e cila dhuroi mbi 25.000 euro dhe po ashtu mbajti një fjalim pranë pjesëmarrësve.
Artistja u shpreh se sektori i medias e ka ndihmuar të arrijë suksesin dhe i inkurajoi studentët të ndjekin pasionin e tyre.
“Pas disa vitesh të kthehem në jetën studentore është emocion i papërshkrueshëm. Jam i lumtur që që studentët janë e ardhmja dhe zemra e këtij vendit. Si artiste kam kuptuar që çdo notë muzikore ka rendësi të veçantë në karrierën time. Më ka dhënë mundësi të reja por kjo nuk do të ishte e mundur pa ndihmën e bashkëpunëtoreve. Ju studentë nuk jeni vetëm individë që keni drejtë diplome por jeni ura e së ardhmes. Tek unë gjithmonë do t’i keni dyert e hapur sepse çdo kontribut do të bëhet jehonë përtej botës. Nëse unë kam mundur, mundeni edhe ju. Sektori i medias me ka mundësuar të rritem dhe jam krenare që kam mundësi me mbështes këtë fushë që brezat të kenë mundësi me ndjek pasionin e vet dhe me inspiruar gjeneratat e reja. Së bashku mund të kontribuojmë drejtë një të ardhme ku krijimtaria nuk njeh kufi”, tha ajo.
