Klipi i këngës “Diamond” nga Tayna nuk është thjesht një projekt vizual luksoz, por një rrëfim simbolik për dashurinë, humbjen dhe fuqinë që lind nga dhimbja. P
ërmes rrjeteve sociale, artistja ka zbuluar kuptimin e skenave, duke theksuar se çdo detaj është i menduar me qëllim.
Sipas Tayna-s, diamanti përfaqëson një grua që ka dashur thellë dhe është lënduar, por nuk është thyer – ajo është rafinuar. Skenat me duar që shtrihen drejt saj simbolizojnë njerëz që kërkojnë vlerën e saj, jo thelbin, ndërsa distanca mes tyre është e qëllimshme.
Elementë si snajperi dhe shigjeta përfaqësojnë vëmendjen, presionin dhe qartësinë e drejtimit pas humbjes.
Ndërkohë, hëna e kuqe shënon fundin e një cikli dhe rilindjen e një femre më të vetëdijshme dhe më të fuqishme.
Me “Diamond”, Tayna sjell një klip me mesazh të thellë artistik, duke treguar se kjo këngë shkon përtej muzikës dhe luksit – ajo flet për vetë-ruajtje, kufij dhe transformim personal.
Ndryshe, projekti po shkëlqen përtej kufijve dhe po përhapet me shpejtësi në mbarë Evropën.
Që në ditët e para të publikimit, projekti ka nisur të dëgjohet gjerësisht në platforma digjitale, duke u renditur në playlist-a dhe duke marrë vëmendjen e audiencës ndërkombëtare. “Diamond” vjen si një dëshmi tjetër e fuqisë artistike të Taynas. /Prive by Liberta Spahiu
