Dy ditë më parë, përmes një postimi në rrjete sociale, G Bani habiti ndjekësit me një postim të tij.
Në Instagram Story, ai listoi plot 12 pika për të gjitha femrat që mund të bien në dashuri me të, duke u paraqitur si i sinqertë, brutal dhe pa filtra.
Mesazhi i tij filloi me fjalët: “Të nderuara k*rva! Para se të bie sërish në dashuri me ndonjëren prej jush,” duke listuar më pas arsyet e tij përse po i cilëson k*urva ato vajza.
Fjalët e tepruara të tij në këtë postim nuk kaluan pa u vënë re, dhe sigurisht që do të pasonte edhe me kritika.
Një reagim i fortë erdhi nga moderatorja Alketa Vejsiu.
Në një postim të gjatë në Instagram, Alketa i është drejtuar drejtpërdrejt me një letër të hapur G Banit, ku kritikon qasjen e tij ndaj grave dhe mënyrën se si ai kërkon dashuri. Ajo thekson:
“Para se të kërkosh dashuri, mëso si ta thuash fjalën ‘grua’ pa e zhytur në baltë.”
Postimi i Vejsiut vijon me një analizë në 12 pika, ku ajo i përgjigjet një për një deklaratave të G Banit për veten, si: “Nuk kam para”, “Jam i papunë”, “Nuk pi drogë”, “Jam shumë xheloz”, “Nuk godas femër”, e deri te “Po të putha në buzë, dmth të dua”.
Ajo i konsideron këto si një formë vetëjustifikimi dhe manipulimi emocional që, në vend të dashurisë së sinqertë, shfaq pjekuri të pamjaftueshme dhe mungesë përgjegjësie. Në fund të postimit, Alketa përmbyll me një ton kritik por i adresuar drejt reflektimit:
“Ti ke shkruar një manual vetëjustifikimi për burrin që kërkon të dashurohet pa pjekuri, pa përpjekje, por me drama, paranoja dhe pasivitet emocional.”
View this post on Instagram
Pas kësaj, G Bani reagoi përmes disa Instagram Story ku shpjegoi se përdorimi i fjalës fyese nuk ishte i drejtuar ndaj të gjitha grave, por vetëm ndaj disa individëve që, sipas tij, mund të jenë edhe burra. Ai theksoi se nuk i konsideron gratë si pronë dhe se nuk ishte qëllimi i tij të fyejë gjithë gjininë femërore. /Prive By Liberta Spahiu
View this post on Instagram
