Pas dekadash në skenën muzikore, dy ikonat e muzikës shqiptare, Shyhrete Behluli dhe Gili, kanë vendosur të bashkojnë zërat e tyre për herë të parë në një projekt të përbashkët.
Këtë e ka konfirmuar vetë Shyhrete Behluli përmes një postimi në Instagram, ku shfaqet pranë Gilit me mbishkrimin:
“Nesër premierë projekti jonë i parë bashkë me Gilin.”
Ky bashkëpunim vjen si një surprizë për fansat e muzikës popullore dhe asaj qytetare, duke rikthyer në vëmendje dy emra që kanë lënë gjurmë në historinë e muzikës shqiptare. Me karriera të pasura dhe të ndara, ato vijnë për herë të parë në të njëjtën këngë, një duet që është pritur me entuziazëm të madh nga publiku.
Komentet në rrjet kanë shpërthyer menjëherë me mbështetje dhe urime: “Suksese mbretëresha të muzikës”, “Çdo vit më e re Shyhretja”, “Kjo është superlajm!”
Detajet për këngën, klipin apo zhanrin muzikor ende nuk janë zbuluar, por një gjë është e sigurt: kur bashkohen dy zëra legjendarë, publiku pret një hit të padiskutueshëm. /Prive By Liberta Spahiu
View this post on Instagram
