Ylli i grupit One Direction, Zayn Malik, i cili u largua në vitin 2015 për karrierë solo duke tensionuar marrëdhëniet me shokët e grupit (Harry Styles, Liam Payne, Louis Tomlinson dhe Niall Horan), është rikthyer.
Megjithatë, mendohet se pas vdekjes tragjike të Liam vitin e kaluar në Argjentinë (në moshën 31-vjeçare), Zayn ka qenë ‘në kontakt’ me pjesën tjetër të grupit.
Në një zhvillim të rëndësishëm, dokumentet e reja konfirmojnë se ai tani është emëruar sërish Drejtor Biznesi i kompanisë PPM Music Limited (firma origjinale e grupit pas The X Factor), së bashku me Harry, Louis dhe Niall.
Një burim i The Sun theksoi: ‘Ndarja nga jeta e Liam i ka afruar ata.’
Thashethemet për ribashkim shtohen pasi muajin e kaluar Zayn dhe Louis nënshkruan një marrëveshje shumë milionëshe për të udhëtuar në SHBA, ku pritet të diskutojnë jetën e tyre dhe vdekjen e Liam.
Të katër shokët morën pjesë në funeralin e Liam (hera e parë që u panë bashkë pas vitesh). PPM ishte kompania origjinale (Princess Park Manor).
Alan McEvoy (Live Wire Business Management) është përfshirë sërish në kompani.
One Direction, e formuar në The X Factor në vitin 2010, shiti 70 milionë disqe dhe fitoi afro 200 çmime, përfshirë shtatë Brit Awards.
Pas largimit në 2015, Zayn deklaroi se grupi u bë ‘i mërzitur me njëri-tjetrin’ dhe se ai kishte humbur kontaktet.
/Prive By Liberta Spahiu
