Është shkatërruar çatia dhe është djegur plotësisht pjesa e brendshme e objektit ku ndodhej diskoteka jo standarde “Pulse” në Koçan, në të cilën sipas informacioneve të Ministrit të Punëve të Brendshme Pançe Toshkovski kanë humbur jetën së paku 51 persona.
AP, duke cituar Toshkovskin, raporton se “zjarri filloi rreth orës 2:35 të mëngjesit, gjatë një koncerti të një grupi pop lokal”.
Familjarët janë mbledhur para spitaleve dhe zyrave të qytetit në Koçan, duke i lutur autoritetet për më shumë informacion.
Koncerti, i cili nisi mesnatën e së dielës, u ndoq kryesisht nga të rinjtë.
Mediat lokale raportojnë se zjarri ka të ngjarë të jetë shkaktuar nga përdorimi i mjeteve piroteknike.
