Vetëm pak javë pasi mirëpritën në jetë frytin e tyre të parë të dashurisë, çifti i njohur Vesa Vllasaliu dhe futbollisti i kombëtares, Mirlind Daku, kanë zgjedhur “Qytetin e dritave” për pushimet e tyre të para si prindër.
Përmes disa postimeve në rrjetet sociale, Vesa ka ndarë me ndjekësit momente magjike nga Parisi, ku familja po shijon pushimet.
Në fotot e publikuara, Vesa shfaqet mjaft elegante me një pallto gri, teksa pozon përpara Kullës Eiffel që shkëlqen në prapavijë. Ajo që bie në sy është buzëqeshja e saj rrezatuese, duke treguar se po e shijon në maksimum këtë etapë të re të jetës.
Edhe pse të sapo bërë prindër, çifti duket se ka gjetur kohën për të krijuar kujtime të bukura në një nga destinacionet më romantike në botë.
Nuk ka munguar as një imazh i Mirlindit, i cili shihet duke shtyrë karrocën e vajzës në rrugët e famshme të Parisit.
Pushime të këndshme Vesa dhe Mirlind! /Prive By Liberta Spahiu
