Gjatë natës së mbrëmshme në “Prime” të “Ferma VIP 2”, është shpalosur një ngjarje jo shumë e zakontë për fermerin Ylli Dreshaj, ku ish-e fejuara e tij ka folur për martesën e dështuar mes saj dhe Yllit. Ajo thotë: “Gjatë kësaj kohe, d.m.th. në vitin 2023–2024, fillova të kem dyshime serioze se ai ishte më i interesuar ndaj burrave sesa ndaj grave. Këto dyshime nuk ishin të pabazuara.”
Kjo nuk është e tëra, pasi ish-e fejuara thotë se ata kanë pasur edhe një përplasje verbale mes tyre, gjë që e bëri Yllin të largohej menjëherë nga Gjermania dhe të shkëpuste çdo kontakt që mund të kishte me të dhe me familjen e saj në lidhje me këtë ngjarje.
Ish-e fejuara hedh poshtë gjithashtu të gjitha fjalët se janë në një proces divorci me fermerin, pasi që nga viti 2023 nuk ka qenë më në Kosovë. Ajo thotë se Ylli duhet të ndalojë së treguari historinë e tyre dhe të fokusohet në rrugën e tij profesionale.
Në anën tjetër, Ylli thotë se në fillim familjarët e ish-e fejuarës e kanë pritur shumë mirë gjatë dy javëve të para, por më pas ka filluar presioni psikologjik ndaj tij nga nëna, babai dhe motrat e saj, të cilët nuk i lejonin as hapësirë private që të bisedonin së bashku. Në fund, Ylli tha se shkaktarët e ndarjes së tyre janë prindërit e saj, të cilët nuk e pranuan kurrë si dhëndër.
