Ikona e muzikës shqiptare, Armend Rexhepagiqi, pritet të kthehet shumë më shpejt se ç’e kemi menduar, me një album muzikor, si vetëm Armendi di ta bëjë, së bashku me Aida Barakun.
Lajmin e ka dhënë vetë Armendi përmes një postimi në llogarinë e tij në Instagram, duke thënë se të gjitha këngët e tij, gjatë viteve, mund të gjenden në të gjitha platformat online. Mirëpo, kjo nuk ishte e tera, pasi Armendi tregoi se shumë shpejt do të jetë edhe albumi i tij më i ri, “Dashni e vjetër”, album i cili do të jetë i gjithë me këngë të reja dhe rikthimi i shumëpritur i Armendit në tregun muzikor, ani pse shumë këngë të tij janë vulosur në industrinë e muzikës.
Armendi kishte thënë gjatë vitit të kaluar që do të jetë prezent përsëri me muzikë dhe do t’i rikthehet këndimit pas disa vitesh. Edhe pse së fundmi, Armendi ka qenë në një club nate me koncert recital dhe ka bërë disa duete në koncertin e Jehona Sopit.
Armendi dhe Aida janë një dyshe e pa ndashme që kanë një krijimtari të cilën e vlerësojnë shumë artistët. Disa nga këngët e tyre janë “Dashurinë ku e kam”, “Turbulence”, “Fustanin e bardhë” dhe “Rrëfimin” e Rovena Dilos. Prive by Liberta Spahiu
View this post on Instagram
