Gazetari i njohur Blendi Fevziu ka qenë së fundmi i ftuar në “Podcast” me Afrona Dikën, ku ndau me publikun reflektime të sinqerta mbi karrierën dhe jetën e tij personale.
Në një bisedë të thellë, Fevziu pranoi se ashtu si çdo njeri tjetër, edhe ai ka gabuar dhe ka momente që, po t’i rikthehej, do t’i trajtonte ndryshe. “Kam bërë gjithçka që kam dashur, por gjithmonë mbetet një peng – ajo ndjesia ‘këtë do ta bëja ndryshe’”, tha ai me sinqeritet.
Ai theksoi se karriera nuk ndërtohet vetëm mbi momentet e suksesshme, por edhe mbi ato më të vogla – përfshirë gabimet. “Ato që sot mund të ishin bërë ndryshe janë pjesë e rrugëtimit tim. Janë ato që formësojnë njeriun dhe profesionistin që jam sot”, përfundoi gazetari.
Ky rrëfim i Blendi Fevziut vjen si një mesazh frymëzues për të gjithë ata që ndihen të penguar nga gabimet e së kaluarës: Çdo hap, i madh apo i vogël, kontribon në ndërtimin e një historie suksesi.
Ndiqni intervistën e tij më poshtë! /Prive By Liberta Spahiu
