Turneu “Cowboy Carter” i Beyoncé-s po rishkruan edhe një herë librat e rekordeve. Me vetëm nëntë shfaqje të përfunduara, superylli global ka vendosur tashmë momente të reja si në industrinë e muzikës live ashtu edhe në ekonomitë lokale – veçanërisht në Çikago, ku prania e saj çoi në një kërkesë dhe të ardhura historike për hotele.
Gjatë shfaqjeve të njëpasnjëshme të Beyoncé-s në Soldier Field, Çikago pa një rritje të paparë në turizëm dhe qëndrime në hotele. Të shtunën, më 17 maj, qyteti regjistroi 46,450 dhoma hoteli të rezervuara – një rekord i ri i të gjitha kohërave, duke tejkaluar rekordet e mëparshme të vendosura nga ngjarje të mëdha me Lionel Messi dhe Taylor Swift.
Gjatë gjithë javës së 11-17 majit, gati 280,000 dhoma hoteli u zënë, duke gjeneruar rreth 84.7 milionë dollarë të ardhura dhe 14.7 milionë dollarë të ardhura nga taksat e hoteleve për qytetin.
Përveç ndikimit të saj ekonomik, Turneu “Cowboy Carter” i Beyoncé-s ka bërë historinë e muzikës duke u bërë turneu më i shpejtë që ka tejkaluar ndonjëherë 100 milionë dollarë të ardhura bruto – një arritje e arritur në vetëm nëntë shfaqje.
Queen B e hapi turneun me pesë shfaqje të shitura plotësisht në stadiumin SoFi në Los Angeles, duke tërhequr mbi 200,000 fansa dhe duke fituar gati 56 milionë dollarë. Tre datat pasuese në Çikago i shtuan atij totali 42 milionë dollarë, duke e çuar turneun përtej shifrës së 100 milionë dollarëve.
Duke parë përpara, ka ende hapësirë për të thyer më shumë rekorde. Beyoncé është aktualisht në New York, ku do të performojë të dytën nga pesë shfaqje në stadiumin MetLife sonte. Turneu Cowboy Carter do të zhvendoset më pas në Evropë, me gjashtë data në Londër dhe tre në Paris. Në korrik, Beyoncé do të kthehet në Shtetet e Bashkuara për fazën e fundit, duke e përfunduar turneun në Las Vegas më 26 korrik. /Prive By Liberta Spahiu
