Loredana Zefi ka ndezur rrjetin sërish! Këtë herë, jo vetëm me muzikën e saj por me një lajm që po qarkullon me shpejtësi marramendëse: a është këngëtarja në pritje të një fëmije me Karim Adeyemi?
Në klipin e saj më të ri, ku shihet në krah të futbollistit të njohur, vëmendjen nuk e mori as muzika, as skenografia, por… barku i saj i rrumbullakosur.
Në çdo sekuencë, Loredana shfaqet me një siluetë që ka bërë fansat të mendojnë: “A është kjo një mënyrë elegante për të lajmëruar shtatzëninë?”
Por kjo nuk është e gjitha. Superylli e “vulosi” dyshimin përmes një Instastory, ku ndau një foto të disa palë këpucëve të foshnjave. Modeli i tyre? Mes tyre, një palë atlete të bardha, që shumë ndjekës e lexuan si një shenjë e qartë se ajo po pret një djalë.
Asnjë konfirmim zyrtar nuk ka ardhur ende nga çifti, por rrjeti social po “zien”.
Loredana dhe Karim janë bërë një nga çiftet më të komentuar të showbiz-it europian, dhe një shtatzëni do të ishte vetëm kapitulli më i bukur në këtë histori dashurie që publiku po e ndjek si telenovelë moderne.
Nëse lajmi është i vërtetë, atëherë nuk do të na mbetet veçse të presim: a do të vijë në jetë një mini-Adeyemi apo një super trashëgimtar i Loredanës?
/Prive By Liberta Spahiu
