Ditët e fundit është komentuar gjerësisht meçi i boksierit Drilon Rama, i cili u rikthye në ring pas fitores në Big Brother VIP Kosova.
View this post on Instagram
Ai arriti një tjetër fitore në këtë përballje, e cila mori vëmendje jo vetëm për rezultatin, por edhe për një detaj tjetër të papritur.
Pak para përballjes, kundërshtari i tij u zëvendësua. Në vend të Kelvin Ngedere (me rekord 7 fitore – 0 humbje), u ngjit në ring boksieri bjellorus Dzimitry Atrokhau, i cili ka një bilanc prej 16 fitoresh dhe plot 28 humbjesh – prej të cilave 24 janë radhazi, pa asnjë fitore që nga viti 2018.
Edhe pse nuk pati njoftim zyrtar, në rrjete sociale, veçanërisht nga faqet që mbështesin Ramën, u raportua se arsyeja e ndryshimit ishte një lëndim i pësuar në ditët e fundit nga Kelvin.
Por vetë boksieri nga Tanzania ka folur për Prive By Liberta Spahiu.
I kontaktuar nga redaksia jonë, ai dha një tjetër arsye për mungesën në meçin e 28 qershorit:
“Vërtet doja shumë të vija në Londër për të luftuar me Drilon Ramën, por kjo dështoi sepse më kishte skaduar viza dhe nuk arrita ta rinovoja në kohë,” deklaroi ai.
Megjithatë, duket se përballja nuk është anuluar plotësisht – vetëm është shtyrë. Kelvin shprehu dëshirën dhe besimin se do të përballet me Drilonin muajin e ardhshëm:
“Shpresoj që muajin tjetër do të vij të përballem me Drilon Ramën,” tha ai.
A do të realizohet ky meç? Presim dhe shohim në vijim. /Prive By Liberta Spahiu
