Këngëtarja shqiptare, Bleona Qereti, ka marrë një dhuratë të pazakontë dhe tepër domethënëse për ditëlindjen e saj: birësimin e një luani në Afrikë.
Luani, i quajtur Sarara, është tashmë nën kujdesin e Bleonës, falë një iniciative që kombinon bamirësinë me teknologjinë moderne.
Përmes një aplikacioni inovativ, Bleona dhe çdo adhurues i kafshëve, mund të ndjekë në kohë reale lëvizjet dhe mirëqenien e luanit, duke ndihmuar në mbrojtjen dhe ruajtjen e kësaj specie të rrezikuar.
Dhurata, me vlerë dhe qëllim humanitar, shkon për të mbështetur programet për shpëtimin e luanëve dhe ruajtjen e habitatit të tyre natyror në Afrikë.
Ky gjest është përshkruar si një ndërthurje moderne mes empatisë për kafshët dhe fuqisë së teknologjisë për të bërë ndryshim real.
Në një video të ndarë në TikTok nga gazetari Blendi Fevziu, Bleona u shpreh:
“Dëshira ime është të takoj Elon Musk dhe t’i kërkoj të shpëtojmë të gjitha kafshët e kësaj bote”. /Prive By Liberta Spahiu
@blendifevziubf Bleona ka birësuar një Luan në Afrikë 🤦♂️ #blendifevziu #albania #visitalbania #kepmerli ♬ original sound – blendifevziu 
