Dua Lipa, ylli botëror i muzikës me origjinë shqiptare, ka tërhequr sërish vëmendjen në Ibiza, ku po shijon pushimet verore me një paraqitje që ka “ngritur temperaturat” në brigjet mesdhetare.
Këngëtarja 29-vjeçare është fotografuar duke bërë joga mbi një paddleboard në ujërat e kristalta të ishullit spanjoll, ndërsa kishte veshur bikini minimaliste që theksonte linjat e saj perfekte.
Me bark të sheshtë dhe trup të tonifikuar, Dua tregoi aftësitë e saj mbresëlënëse në joga duke realizuar pozicione të avancuara si “Downward Facing Dog”, “Cobra” dhe një qëndrim mbi duar – të gjitha duke reflektuar forcën dhe fleksibilitetin e saj të jashtëzakonshëm.
Pas sesionit të jogës, ajo u kthye në jahtin luksoz ku po qëndron me të fejuarin e saj dhe disa miq të ngushtë.
Dua po shoqërohej nga i fejuari i saj, aktori britanik Callum Turner, 35 vjeç, i cili gjithashtu u vu në qendër të vëmendjes me trupin e tij të palestruar dhe në rroba banje të zeza.
Çifti, që sapo ka zyrtarizuar lidhjen e tyre, dukeshin më të dashuruar se kurrë, duke shijuar momente intime dhe romantike nën diellin përvëlues të Ibizës. /Prive By Liberta Spahiu
