Yll Limani po përjeton një nga vitet më intensive dhe të suksesshme të karrierës së tij muzikore. Pas përfundimit të një turi tejet të suksesshëm në Zvicër dhe Gjermani, ku performoi para mijëra fansave, artisti nuk ka ndërmend të ndalet. Rrugëtimi i tij ndërkombëtar “TSN International Live Tour” do të vijojë së shpejti me data të reja në Suedi dhe Austri, duke konfirmuar kërkesën e lartë për muzikën e tij edhe në diasporë.
Mirëpo nëse e menduat se do jetë vetëm me kaq, e keni gabim!
Përmes një postimi në rrjetet sociale, Ylli ka zbuluar më në fund detajet për “Phase II” (Fazën e Dytë) të turneut, e cila do të përkojë me rikthimin e tij në trojet shqiptare. Ai ka njoftuar tri netë gjigante që pritet të jenë kulmi i këtij sezoni: në Tiranë, Shkup dhe Prishtinë. Artisti theksoi se këto do të jenë koncertet e vetme që ai do të mbajë në Kosovë, Shqipëri dhe Maqedoni gjatë këtij viti, duke i bërë ato evente të “paharrueshme” dhe të domosdoshme për t’u vizituar nga fansat.
Agjenda e koncerteve në Ballkan është përcaktuar si vijon:
Biletat për këto tri data pritet të dalin në shitje këtë të hënë. Me titullin e turneut “Thirrëm Sot ose Nesër”, Yll Limani premton një produksion të përmasave ndërkombëtare dhe një setlistë që përfshin hitet e tij më të dëgjuara, duke u rikthyer në qytetet që, siç thotë ai, “i kanë dhënë vetëm dashuri që nga fillimi i karrierës”.
/Prive By Liberta Spahiu
View this post on Instagram
