Arbesa Rrahmani, Miss Universe Kosova 2023, ka marrë një vendim të madh në jetën e saj personale. Bukuroshja nga Ferizaj ka thënë “Po” ndaj partnerit të saj shumëvjeçar, i cili e ka surprizuar me një propozim romantik.
Çifti, i lumtur dhe plot emocion, ka ndarë momentin e fejesës. Fotot e postuara reflektojnë lumturinë e tyre të sinqertë, ku Arbesa shkëlqen me buzëqeshjen e saj karakteristike dhe me unazën e fejesës që e bën edhe më të ndritshme.
Përtej karrierës së saj si modele dhe angazhimeve të shumta që i ka hapur titulli i Miss Universe Kosova, Arbesa ka zgjedhur të vendosë dashurinë në qendër të jetës së saj. Një zgjedhje që duket se e bën të ndjehet më e plotësuar dhe më e lumtur se kurrë.
Ky hap i ri është një dëshmi se edhe mes glamurit, sfidave dhe mundësive të shumta, ajo ka zgjedhur të kurorëzojë ndjenjat me njeriun që e ka pasur pranë ndër vite. Një histori dashurie që sapo ka nisur kapitullin e saj më të bukur.
/Prive By Liberta Spahiu
