Dihet tashmë që Kiara Tito është një nga mbështetëset më të mëdha të bashkëshortit të saj, Luiz Ejllit, si në jetën personale, ashtu edhe në atë artistike.
Por këtë herë, nuk ishte vetëm Kiara që tregoi dashuri për Luizin – edhe vajza e tyre e vogël, Luna, ka “marrë skenën” në mënyrën më të ëmbël të mundshme!
Në një video shumë të lezetshme të publikuar në Insta Story, Kiara ka ndarë një moment ku Luna shihet duke kërcyer me një nga këngët e Luizit. Krahas videos, Kiara ka shkruar:
“Po bëhet gati për koncertin e babit nesër në Shkodër”, duke treguar se e vogla jo vetëm që e ndjek muzikën e babait, por edhe e shijon në mënyrën më të pafajshme dhe të ëmbël.
Ky moment ka emocionuar ndjekësit dhe fansat e çiftit, të cilët vazhdojnë të ndjekin me interes çdo hap të familjes së tyre, që prej lidhjes në shtëpinë e Big Brother VIP e deri te krijimi i familjes së tyre të vogël.
Luizi pritet të mbajë një koncert në Shkodër nesër, ku me siguri do të ketë pranë dy vajzat më të rëndësishme të jetës së tij – Kiarën dhe Lunën. /Prive By Liberta Spahiu
