Aktorja e njohur e Hollivudit, Jennifer Aniston, duket se përballet me një vendim të madh në jetën personale, sipas mediave të huaja.
Ajo prej disa muajsh është në një lidhje diskrete me Jim Curtis dhe raportohet se tashmë është gati të ndërmarrë një hap serioz drejt martesës.
Burime pranë çiftit tregojnë se marrëdhënia e tyre ka ecur me shpejtësi, pasi ata njihen prej vitesh dhe këtë herë Aniston ndihet e sigurt për zgjedhjen e saj.
“Jen dhe Jim janë të dashuruar marrëzisht. Ajo ndodhet në një fazë të jetës ku nuk ka më durim për lojëra dhe ka investuar plotësisht në këtë romancë. Është e kuptueshme, pasi Jim ka një empati të jashtëzakonshme dhe e mbështet pa kushte”, ka thënë një burim pranë tyre.
Sipas tij, ata kanë diskutuar për të ardhmen që në takimin e parë, ndërsa Curtis ka treguar qartë përkushtimin e tij që nga fillimi.
Thuhet se kjo do të jetë martesa e tretë e Aniston.
Aktorja po planifikon një ceremoni intime dhe të thjeshtë, me shkëmbimin e betimeve në një plazh në Cabo, përpara një grupi të vogël miqsh të ngushtë. Burimet shtojnë se çifti është jashtëzakonisht i emocionuar për këtë kapitull të ri të jetës së tyre.
/Prive By Liberta Spahiu
