Ronela Hajati publikon 3 foto me të dashurin: dy bardhë e zi dhe një me ngjyra – identiteti i tij mbetet ende mister
Këngëtarja e njohur Ronela Hajati ka surprizuar ndjekësit e saj me postimin e fundit në Instagram, ku për herë të parë ka ndarë imazhe të qarta me të dashurin.
Artistja ka publikuar gjithsej tre foto romantike: dy bardhë e zi dhe një me ngjyra. Në to, Ronela shihet e buzëqeshur dhe e lumtur pranë partnerit, duke dhënë sinjalin më të fortë deri tani për lidhjen e saj.
“Profil professional po fotot e zemrës aty ❤️”, ka shkruar ajo në mbishkrimin e postimit, ndërsa me humor shtoi: “mundsisht me një bonus brenda 😬”.
Edhe pse imazhet janë të qarta dhe tregojnë afërsinë e çiftit, detajet për partnerin e Ronelës mbeten ende mister. Këngëtarja nuk ka zbuluar as emrin, as profesionin dhe as historinë e dashurisë së tyre, duke lënë hapësirë për kureshtje të madhe mes fansave.
