Netflix ka konfirmuar zyrtarisht publikimin e dokumentarit të ri dedikuar jetës së Victoria Beckham, një prej figurave më ikonike të kulturës pop dhe modës ndërkombëtare.
Dokumentari do të publikohet më 9 tetor 2025 dhe do të jetë i disponueshëm ekskluzivisht në Netflix.
Ky projekt vjen nga prodhuesit e dokumentarit të shumëpërfolur “BECKHAM”, i cili fitoi çmimin Emmy, si dhe nga regjisori i dokumentarit “Becoming”, që trajtoi jetën e Michelle Obamës dhe u vlerësua ndërkombëtarisht.
Dokumentari pritet të ofrojë një vështrim të thellë, personal dhe të pazbuluar më parë mbi jetën e Victoria Beckham – nga ditët e saj si anëtare e grupit legjendar Spice Girls, te transformimi i saj në një sipërmarrëse të suksesshme në industrinë e modës dhe një figurë publike me ndikim global.
Duke ndjekur suksesin e dokumentarit për David Beckham, ky projekt synon të sjellë jo vetëm shkëlqimin dhe suksesin, por edhe sfidat dhe përballjet personale që kanë formuar jetën dhe karrierën e saj. /Prive By Liberta Spahiu
View this post on Instagram
